Styremøte i Moholt Park huseigarforeining, 4. juni 2024
Til stades:
Anne-Tove Brenne, Siri-Malén Høynes, Stig Marsteng Nilsen, Randi Solheim
Forfall:
Ole Sæther, Ingeborg Solheim
Sak 1: Godkjenning av innkalling og saksliste
Ingen merknader
Sak 2: Oppsummering etter årsmøtet 8. april
Styret gjekk igjennom status for dei protokollførte sakene.
Orienteringssakene – utfyllande informasjon:
- Sommarfest 15. juni kl. 18.00: Ole sender ut e-post til medlemmene, basert på informasjon frå tidlegare arrangement.
- Gatelysa har blitt skifta på heile feltet, og vi har fått led-armatur.
Sak 3: Oppsummering etter vårdugnaden
Vi hadde godt vér, godt oppmøte og ei hyggeleg kaffistund. Dei aller fleste oppgåvene på agendaen blei gjennomførde.
Til neste dugnad: Skifting av treramme på den store leikeplassen
Sak 4: Oppsummering etter årsmøte i velforeininga 24. april
Anne-Tove, Stig og Ole har representert oss på årsmøte i velforeininga. Dei la fram hovudpunkt frå årsmeldinga for styret.
Sak 5: Asfaltering
Velforeininga kjem i utgangspunktet ikkje til å koste ny asfaltering på området i næraste framtid. Huseigarforeininga vil undersøke om privatpersonar er interesserte i å få asfaltert eigne uteområde og hentar inn kostnader frå Trondheim asfaltservice. Dersom det blir mange nok, kan velforeininga vurdere å få asfaltert fellesområde samtidig. (Tidlegare forsøk på dette blei ikkje følgt opp.)
Ole sender ut informasjon og ber folk melde interesse innan 1. juli. Anne-Tove kontaktar Trondheim asfaltservice i løpet av sommaren, basert på kor mange som er interesserte.
Sak 6: Solceller
Anne-Tove har undersøkt hos Enova. Stig kontaktar kommunen for å undersøke kva som er mogleg. Stig følgjer opp i løpet av vinteren, og vi tar saka opp att på neste årsmøte.
Sak 7: Årshjul
Sommarfest 2024: Laurdag 15. juni
Haustdugnad: Måndag 26. og tysdag 27. august (styret har befaring torsdag 22. kl. 18.00, lagar oversikt over oppgåver og handlar inn nødvendig utstyr)
Lucia-feiring: Fredag 13. desember
Årsmøte: Måndag 7. april
Vårdugnad: Måndag 28. og tysdag 29. april
Sommarfest 2025: Laurdag 14. juni
Anne-Tove undersøker om desse datoane er ok for velforeininga, før vi formidlar dei til husstandane.
Neste styremøte: Tysdag 3. september kl. 20.30 hos Randi i nr. 74
Sak 8: Eventuelt
Trafikksaker (fartsdumpar, skilt, brøyting) vil bli tatt opp på neste styremøte.
Anne-Tove bestiller skilt med «Barn Leker» ¬– til oppsett på husnummerstolpen ved leikeplassen. Ho undersøker også forhistoria for arbeidet med fartsdumpar.
Årleg ettersyn av leikeplass – merknader om tårnsklia:
- Pussing og rustfjerning blir gjort på haustdugnaden
- Stig tar ansvar for å tette glipe før sommaren
